Таспа мен чаттардың ережелері

Qozgal таспасы мен чаттары бір нәрсе үшін керек: серуендермен, маршруттармен, сериялармен бөлісу және бір-бірін қолдау. Бұған кедергі болатынның бәрін өшіреміз, ал әдейі істейтіндерді шектейміз

1. Не туралы жазған жөн

• серуендер, жүгірулер, маршруттар және жүруге жағымды жерлер
• өз прогресің: серия, алғашқы 10 000 қадам, үзілістен кейін оралу
• серуеннен, көріністен, ауа райынан, аяқ киімнен, парктен түскен фото
• клан кездесулері және қосылуға шақырулар
• жаңадан келгендерге сұрақтар мен кеңестер

2. Неге тыйым салынған

Мәтінде, фотода немесе жауаптарда мыналар болса, жазба немесе хабар өшіріледі, ал аккаунтқа шара қолданылады:

Сөз және мінез-құлық

• боқтық және әдепсіз сөздер, соның ішінде таңбалармен және қателермен бүркемеленгендері
• қорлау, кемсіту, сыртқы келбетті, салмақты, жасты немесе дене бітімін мазақтау
• нақты адамды қудалау, аңду, біреуге топпен жазуға шақыру
• ұлты, тілі, діні, жынысы, бағдары немесе мүгедектігі бойынша өшпенділік қоздыру
• зорлық-зомбылықпен қорқыту, зорлыққа шақыру, зорлықты ақтау
• өзіне зиян келтіруге шақыру, аштықты және қауіпті арықтау тәсілдерін насихаттау

Контент

• жалаңаштық, ашық және сексуалды контент
• қатыгездік, қан, жарақат, адамдар мен жануарлардың өлімі көріністері
• есірткі, психоактивті заттар, алкоголь мен темекі жарнамасы
• қару, жарылғыш заттар және оларды жасау нұсқаулары
• кәмелетке толмағандар қатысатын сексуалды немесе қанаушылық сипаттағы кез келген контент, мұндай аккаунттар мәңгі бұғатталып, құқық қорғау органдарына беріледі

Спам және алдау

• тауарлар мен қызметтер жарнамасы, серіктестік сілтемелер, бөгде жобалар мен арналарға шақыру
• қаржы пирамидалары, ставкалар, казино, тез табыс схемалары, криптоалаяқтық
• жаппай біртекті жазбалар мен хабарлар, лайк пен жауапты жасанды көбейту, боттар
• зиянды сайттарға сілтемелер, фишинг
• өзіңді басқа адам, бренд немесе Qozgal қызметкері ретінде көрсету
• қадамды жасанды көбейту: телефонды сілку, жануарға немесе техникаға бекіту, HealthKit пен Health Connect деректерін қолдан жасау

Бөтен деректер мен авторлық

• бөтен жеке деректер: мекенжай, телефон, құжаттар, хат алмасу, басқа адамның нақты геолокациясы
• басқа адамдардың, әсіресе балалардың, келісімінсіз түсірілген фотолары
• өзінікі деп көрсетілген бөтен фотолар мен мәтіндер

3. Чаттар

Qozgal-да чаттың үш түрі бар: бәріне ортақ чат, қалаңның чаты (профильдегі қала бойынша) және клан чаты. Чаттарда 500 таңбаға дейінгі мәтін мен дәйексөзді жауап қана бар: фотосыз, лайксыз және хабарландырусыз. 2-бөлімдегінің бәрі чаттарда да күшінде, оған қоса:

• ортақ чатта және қала чатында сілтеме салуға болмайды: сайт мекенжайлары, t.me, wa.me және доменге ұқсас сөздер жіберілмейді. Клан чатында сілтемеге рұқсат, онда өз адамдар және серуен жоспарлары
• үш секундта бір реттен жиі және минутына 12 хабардан көп жазба: қалғанын чат қабылдамайды
• сату, адам жинау немесе «жеңіл табыс» үшін басқа мессенджерге өтуді сұрама
• чатқа өзіңнің де, бөтеннің де телефон нөмірін, мекенжайын және басқа жеке деректерін салма

Шағымдар

Хабарды басып тұрып «Шағымдану» дегенді таңда, себебін көрсет: спам не жарнама, қорлау, боқтық сөз, тақырыпқа жатпайды немесе басқа. Хабарға үш түрлі адам шағымданса, ол бірден, автоматты түрде жасырылады (бір тәуліктен жас аккаунттардың шағымы бұл есепке кірмейді). Барлық шағым модераторларға түседі, шағым авторы жасырын қалады

Адамды жасыру

Адамның профилін аш, «···» батырмасын басып, «Жазбалары мен хабарларын жасыру» дегенді таңда. Оның чаттардағы хабарлары мен таспадағы жазбаларын енді ешбір құрылғыда көрмейсің. Жасырылған адамдар тізімі профиль баптауларында, сол жерден адамды қайтаруға болады

Өшіру және мут

Өз хабарыңды өзің өшіре аласың. Модератор ережені бұзатын хабарлар мен жазбаларды өшіреді және аккаунтқа мут қоя алады: 7 күнге, 30 күнге немесе мәңгі. Мут қойылған аккаунт чатқа жаза алмайды, жазба салмайды, жауап бермейді және лайк қоймайды, ал қадам мен серия әдеттегідей саналады

4. Ережені бұзғанда не болады

Бұзушылықтың ауырлығына және қайталанатынына қараймыз. Әдеттегі саты мынадай:

• 1

  Жазбаны немесе хабарды өшіруОл таспадан, чаттан және сайттан жоғалады

• 2

  ЕскертуАккаунттағы белгі, келесі бұзушылық мутқа әкеледі

• 3

  7 немесе 30 күнге мутҚадам мен серия саналa береді, бірақ жазба салуға, лайк қоюға, жауап беруге және чатқа жазуға болмайды

• 4

  Мәңгі мут немесе аккаунтты жабуQozgal Pro жазылымы мен сатып алулар қайтарылмайды және ойындарға қатысу құқығы жоқ

Өрескел бұзушылық үшін аккаунтты ескертусіз бірден шектейміз. Бұл балаларды қанауға, қорқытуға, қудалауға, қадамды жасанды көбейтуге және алаяқтыққа қатысты

5. Модерация

Тексерудің бір бөлігі автоматты: ортақ чаттардағы сілтемелер мен тым жиі хабарлар жіберу кезінде кесіледі, үш шағым хабарды жасырады. Қалғанын адамдар шағым бойынша қарайды

Контент осы ережелерді, Пайдалану шарттарын немесе Қазақстан Республикасының заңдарын бұзса, нақты жағдай жоғарыда сипатталмаса да, кез келген жазбаны немесе хабарды өшіруге және аккаунтты шектеуге құқығымыз бар

6. Қалай шағымдануға болады

Жазбаға немесе жауапқа: жоғарғы оң бұрыштағы үш нүктені басып, «Шағымдану» дегенді таңда. Чаттағы хабарға: оны басып тұр. Адамға: профилін ашып, «···» батырмасын басып, «Адамға шағымдану» дегенді таңда. Шағымдар 24 сағат ішінде қаралады

Іс шұғыл болса және өмірге немесе баланың қауіпсіздігіне қатер төнсе, бірден support@qozgal.app мекенжайына «ШҰҒЫЛ» деген белгімен жаз

7. Шешіммен келіспесең

support@qozgal.app мекенжайына никнейміңді және жазбаға сілтемені немесе хабардың сипаттамасын жаз. Шешімді қайта қарап, 5 жұмыс күні ішінде жауап береміз. Модератор қателессе, жазба мен қолжетімділікті қайтарамыз

8. Жас

Жазба салуға және чатқа жазуға, қосымшаны пайдалану сияқты, 16 жастан болады. Толығырақ Пайдалану шарттарында

9. Ережелердің өзгеруі

Ережелер таспа мен чаттармен бірге өзгереді. Елеулі өзгерістер туралы қосымшада хабарлаймыз. Соңғы жаңарту күні беттің жоғарғы жағында көрсетілген

10. Байланыс

• Шағымдар мен сұрақтар: support@qozgal.app
• Сайт: qozgal.app